優異學員青蛙負分變攞獎
結業禮同時是頒獎禮，榮獲「優異學員」和「優異現場記者」兩獎的伍靖華得獎時表現激動，發表得獎感受時，強忍淚水的她自言：「好多謝大家當初選我入呢個計劃，我中學嗰陣已經好想做體育記者。其實我覺得自己一開始係負分，因為我第一日開學禮遲到、第一堂冇返、第二堂再遲到，好多謝大家畀好多機會我試唔同嘅崗位。」
想為本地波出力
外號「青蛙」的她即將到傳媒機構實習，認為獎項令她更相信自己的能力：「起初我對自己嘅作品唔係咁有自信，有時交完會覺得有好多地方需要改善，呢兩個獎幫我打咗支強心針，自己嘅作品得到其他人肯定，唔會再猶豫、質疑自己諗嘅嘢。」
視體育記者為夢想職業的「青蛙」，盼望在實習期間作多方面嘗試：「希望可以透過實習機會，採訪多啲唔同嘅體育項目，同唔同運動員接觸，並建立友好關係。」在眾多項目中，「青蛙」較喜愛足球，閒時更會觀賞英格蘭超級足球聯賽。不過，她亦希望自己能夠為本地足球出一分力：「自己鍾意足球多啲，希望未來可以睇多啲、認識多啲，甚至幫手去推廣。」