賽馬會青少年記者畢業喇！
第6屆「香港賽馬會青少年體育記者培訓計劃」昨日舉行結業禮，為一眾導師、學員在過去6個月的相處畫上圓滿句號。結業禮期間，大會頒發了「導師嘉許獎」、「優異寫作獎」、「優異評述員」、「優異現場記者」、「最有熱誠攝影獎」，以及含金量最高的「優異學員」等獎項，嘉許學員過去半年所付出的努力。
一眾學員特意拍攝短片，答謝一直在身邊提點自己的導師，弄得在場嘉賓哭笑不得。主任導師孔慶慇觀賞影片後笑言：「一早拍呢啲咪好囉！」惹來全場即時歡呼。
李德能：扶持後進係最佳回報
計劃來到第6屆，負責人香港賽馬會公司品牌高級經理（體育及社區項目）李德能也不禁懷緬過去：「之前5屆入面，原來都有十幾個百分比入咗傳媒界做『體記』。代表好多青年人仲係好鍾意做體育傳媒。行業雖然轉緊型，但仍然需要一班有為、有志嘅青年。」這批學員或將投身傳媒行業，他期望學員做到「薪火相傳」：「唔同傳媒機構想吸納嘅係你哋，日後你哋有機會可以再扶持後進，唔需要再返嚟多謝導師。如果你哋能夠將機會一代一代咁傳承落去，其實就係對所有導師最佳嘅回報。」
計劃得以延續，而且辦得一年比一年好，李德能向各合作夥伴致謝。與此同時，東華三院社會服務總主任姚子樑同樣感激一眾夥伴支持：「認真要多謝大家，有好多朋友對我哋嘅年輕人不離不棄，付出佢哋嘅心血，希望年輕人能夠再行前一步。」他續道：「我哋呢一代年輕人唔係好鍾意畢咗業就去間大公司做幾十年，或者走去做銀行、賺好多錢。年輕人希望有多啲選擇，將自己喜歡嘅事同職業結合埋一齊，希望你哋繼續畀多啲機會佢哋。」
陳焌鏗報道