凱景升班元朗玩番！
香港足總昨午就下季港超聯參賽隊伍舉行競賽小組會議，足總行政總裁薛基輔於會後向傳媒證實，來季港超將會有10支參賽隊伍，標準流浪將會降至甲組參賽，一眾參賽隊伍當中，包括曾就遞交「新季意向書」申請延期的陽光元朗，今季於港甲取得第8位排名的凱景，其升班申請亦獲小組接納，並將於下月交予足總董事局表決。
王威信組青春班
曾經因為贊助商約滿面臨「自降」危機的元朗，日前先後有不少球員及教練離隊，不過會長王威信昨日於會後透露，球隊雖然面臨巨大的人腳變動，但來季仍會角逐港超︰「元朗出年會留番喺超聯，依家最重要係點樣去組軍，其中一個方法係同友會借球員，我哋元朗本身都有8至9成球員畀友會簽咗，但都仲有個別球員留喺度。其實嚟緊我哋組軍方向，都會係着重喺吸納一班U20嘅球員。因為依家有菁英盃，每一隊平均都要有3至4個適齡球員，我哋青訓做到20歲，喺呢個年齡層可能需要一啲協助，嚟緊我哋會重點吸納呢一班球員，再加一班外援角逐超聯。」
2017至18香港足球聯賽升降隊伍
組別 升班 降班 / 聯賽出局
港超 – 標準流浪
港甲 凱景 灝天晨曦、東昇、觀塘、灣仔
港乙 愉園、中西區 葵青、葛士寶朋友、西貢、福建
港丙 高力北區、騰翱聖約瑟 連城ONC精英（屯足）、九巴（聯賽出局）