名人明星表演賽今日開波喇！

表演賽安排喺今午3時15分展開，由籃總名人邀請隊對Panasonic邀請隊：警察籃球大使隊，雙方陣中都有大家熟悉嘅明星加入，包括射術一流嘅鄧穎芝、陳偉琪，以及「籃球女神」方詠琳。另外多位型男索女亦會加入戰團，包括張秀文、陳蕊蕊、陳婉衡、張景淳、黃建東及龐景峰等，再加上有甲一球星鄭錦興及劉子禮等助陣，今場表演賽實在叫人期待！

司徒偉傑感受好氣氛

今年已經是第5年參加表演賽，效力標準福建嘅司徒偉傑坦言非常鍾意學界賽熱烈氣氛：「我打學界嘅年代雖然未有參與過Panasonic賽事，但依家有機會到現場感受氣氛一樣咁高興。」尋日司徒偉傑更親身入場支持朋友黃琪琪帶隊，效力女子甲一福建嘅黃琪琪，喺精英賽之後接掌青中教練帥印，更成功帶領球隊殺入女子4強。