41歲法比奧無憾掛靴
今季協助陽光元朗奪高級組銀牌的法比奧，獲得「香港足球明星—後衞」獎項，這位41現的元朗隊長，在得獎後宣布掛靴：「當我哋贏到銀牌後，我就決定掛靴，好遺憾到依家先同大家宣佈，今季真係最後一季，係個完美結局，我亦為元朗呢一季成績驕傲！」法比奧還透露，球隊來季將不會續戰港超聯：「我未能100%確定，但我知陽光元朗來季唔會角逐港超，不過我哋會捲土重來！」
鄭展龍感激夢想FC隊友
至於在亞冠盃射入絕殺世界波、為傑志取得歷史性勝仗的小將鄭展龍，就順利奪得「最佳青年球員」，他仍保持「怕醜」性格，除感激傑志外，亦多謝上半季曾經效力的夢想FC：「上年受傷令我知道自己訓練要更加努力。上半季喺夢想係進攻主力，隊友好信任我，下半季喺亞冠入波對我嚟講係一個榮譽，希望每年保持呢份好表現。」
