綠軍闖東岸決賽挑戰大帝 新秀達頓：瞓醒先算！

開季前有新加盟球星希活斷腳重創，臨近季後賽展開又有搶分重心艾榮受傷收咧，對於以幾位新秀孭飛的塞爾特人，可否闖入東岸決賽，球迷從不抱太大期望，對第1年打ＮＢＡ的達頓而言更是不可思議：「點樣喺東岸決賽應付勒邦占士？我只係一年生，實在唔識點答！我今晚只想好好慶祝，瞓醒先算啦！」今季ＮＢＡ出現多位「超級新秀」，爵士得分王米切爾及76人主將施蒙斯已經獨當一面，但以目前成績比較，達頓絕對是最耀眼一位，這位來自公爵大學的球星今場為「綠軍」攻入25分、3個籃板及4次助攻，「二年生」謝倫布朗添加24分、4個籃板及2次助攻，成為塞爾特人在比賽最後1分鐘反勝關鍵人物。「其他人一定估唔到我哋可以打到呢個階段，但呢班年輕隊友真係準備充足要成為總冠軍。」為塞爾特人攻入15分的老將荷福特說。

騎士勇士晉級熱門

東岸決賽Game1塞爾特人主場對騎士於香港時間5月14日凌晨3時30分展開，西岸決賽Game1火箭主場對勇士則於香港時間5月15日早上9時爆發。根據拉斯維加斯博彩公司Westgate最新賠率，常規賽排名較對手低的騎士及勇士，反而被看好再入總決賽。東岸第2位的塞爾特人及第4位的騎士，晉級賠率分別是3.2倍及1.38倍。至於西岸「一哥」火箭晉級賠率為2.67倍，第2位的勇士晉級則只有1.51倍。