傑志和富大埔5.19爭霸
傑志「3冠夢」又過一關！昨日於旺角大球場上演的菁英盃4強戰，傑志憑後備艾力士「起孖」，以3比1擊敗夢想FC闖決賽，將於下月19日在大球場與衞冕的和富大埔爭奪王者寶座。
昨仗有英超女旁證瑪茜再度執法，傑志派出畢頓與巴拉克兩位U22小將上陣，而夢想FC則以林衍廷、羅梓駿及謝家榮等年輕骨幹的常規陣容應戰。夢想開賽僅6分鐘就找到機會，拿祖橫傳雷斯門前起腳，惜被傑志門將郭劍橋飛身撲出。15分鐘傑志先拔頭籌，華杜斯趁門前混戰一抽破網，其後雙方戰況膠着，半場傑志以1球優勢帶前。
艾力士起孖 3比1挫夢想FC
夢想換邊後只花5分鐘便扳平，林衍廷勁射得手追成1比1。之後林衍廷再有機會，接應傷愈復出的歐陽耀沖傳中，於對方力壓下轉身射門惜未中目標。實力較優的傑志70分鐘以美妙組織撕破夢想防線，華杜斯挑傳林恩許，後者第一時間彈入禁區，艾力士後腳笠過敵衞後單刀建功，「藍鳥」再度領先。金東進79分鐘因侵犯對手而被罰兩黃一紅離場，令傑志10人應戰，不過艾力士於84分鐘把握謝家榮犯錯射入空門，最終傑志贏3比1闖決賽。
賽後傑志主教練朱志光以「古靈精怪」形容艾力士的首個入球，笑指「冇人知佢做咩就係佢優點」。談到決賽，朱Sir認為大埔更有優勢：「大埔有幾位好似陳俊樂咁嘅常規適齡球員，會有着數，希望我哋嘅小將表現愈嚟愈好及更快成長。」
圖 / 文：袁志浩