和富大埔門將李瀚灝昨日代表球隊出席記招，今季曾連續405分鐘不失球的他表示要先做好自己：「隨緣啦，有獎當然開心，但會做好自己先。始終球季都未完，會盡力打好每一場波，保持好狀態。」
過往在最佳門將方面都由葉鴻輝壟斷，惟今屆東方龍獅未有提名隊長葉鴻輝競選。李瀚灝指能夠獲得提名已心感榮幸：「開心啦，捱咗12年，自己一直都畀人覺得唔係一個穩定嘅守門員，今年多咗人認同我，希望能夠繼續保持落去。」
問及誰是最大競爭對手，李瀚灝稱：「一定係傑志嘅『阿鵬』（王振鵬）啦！始終佢數據上失球最少，另外謝德謙一直都有好多球迷支持，大家都覺得佢係穩定派，所以都係一大對手。」同時，作為副隊長的「阿灝」亦呼籲球迷投票給和富大埔的教練和球員。