朱志光出招煞車「堅要謹慎」
正於南韓備戰明晚亞冠盃E組分組賽對全北汽車的傑志，昨在大約12度的氣溫下，於全州世界盃體育場副場進行約1小時的首課操練，操練內容以恢復球員狀態及一些傳球訓練為主。
出線無望都要踢好波
球隊主教練朱志光表示，希望能夠在最後一場分組賽踢出好表現︰「雖然我哋冇機會出線，但都想打場好啲嘅波。當然係有困難嘅，因為對手要攞首名，佢哋唔想直接對恒大。」
對於球隊上次慘遭全北大炒6比0，「朱Sir」認為球員已有所警惕︰「上一場（對全北）我哋都有好多埋門，但因為好早失咗波先，球員心急想追番，以致踢得冇咁流暢。呢個比數令球員意識到之後幾場要點應付，要好謹慎咁開波。我希望周三都係謹慎少少，之後再睇吓有冇機會偷到雞。」
何彥霆南韓直擊