夢想FC陽光元朗青衣拗手瓜

今日港超尾場夢想FC於青衣運動場迎戰陽光元朗,今年仍未打開勝利之門的夢想FC現時跌至尾2位置,主教練梁志榮希望今仗能贏波重拾信心,以迎接本月22日菁英盃4強對傑志的硬仗。(周日下午5時30分開賽)

達Sir:用表現證明自己

由於在足總盃首圈出局,夢想FC獲額外一周休息期,「細榮Sir」表示︰「球員季尾難免有疲態,呢兩個禮拜都有安排適量訓練,等佢哋回復狀態。」夢想今仗有陳偉豪傷愈復出,只是祖亞昆及加倫依然有傷,可幸前者傷勢較輕,至於歐陽耀冲仍稍欠狀態,再觀察才決定是否上陣。「細榮Sir」坦言爭勝之餘,更重要是確保有完整人腳迎接菁英盃︰「拿祖有4張黃牌在身,唔會放佢喺正選入面,怕佢再領黃而要停賽。」

陽光元朗勇奪銀牌後持續有上佳演出,但上周於足總盃8強出局,令「橙衫軍」雙冠夢幻滅。主帥曾昭達勉勵球員從錯誤中學習︰「足球比賽總會犯錯,我唔會責怪球員,希望佢哋從中成長。」「達Sir」同時盼望球員在餘下的3場聯賽證明自己實力。