東網直播NIKE五人賽 各路勁旅麥花臣爭霸

「NIKE香港五人足球賽2018」昨日舉行首日賽事,各組別決賽今假旺角麥花臣硬地小型足球場上演,賽事免費入場,球迷亦可透過東網on.cc或NIKE官方Youtube頻道NikeHongKong收睇直播。好波一浪接一浪,球迷記得留意喇!(東網on.cc周日下午2時起直播)

歷年「NIKE香港五人足球賽」,男子公開組賽事都備受矚目,昨天亦進行了男子公開組分組賽及半準決賽。坐擁香港五人足球代表隊成員廖億誠、前港甲球員蘇來強的「栢禧」成功晉級4強,將鬥milk。教練何信賢表明球隊劍指冠軍:「希望攞冠軍!不過我哋係『眾矢之的』,所以有時候踢得比較拘謹。」此外,何Sir還有一個心願:「我希望畀觀眾睇到咩係五人足球,等多啲人接受五人足球。」

激戰連場氣氛正

賽事另一焦點,Nike Academy邀請賽的準決賽於早上10時30分上演,由救世軍田家炳學校惡鬥香港浸會大學附屬學校王錦輝中小學,香港教育大學賽馬會小學迎戰伊利沙伯中學舊生會小學分校。4支球隊早前曾獲邀出席由港超聯球會和富大埔主教練李志堅主理的Nike Academy工作坊,活動當日,亦曾與其中一支隊伍切磋,藉此了解對方實力,各隊均有充足備戰,屆時定必競爭激烈,氣氛High爆,並有一番龍爭虎鬥!

男女子混合U8的4強則有Kitchee撼FOOTBALL ACADEMY、車路士足球學校A對車路士足球學校B;男女子混合U10準決賽則由FOOTBALL ACADEMY大戰Kitchee 09B;以及南華對陣車路士足球學校A。至於男子U12決賽由車路士足球學校A對阿仙奴足球學校A;男子U14決賽將由東區大戰GALAXY。另一邊廂,男子U16準決賽由HKIS對陣元朗03A,以及東方03對Kitchee 03;男子U18準決賽則上演栢禧體育會對栢禧、車路士足球學校C對南華A。至於男子U20準決賽將由騰翱U20對毅進、風火堂寶青對栢禧。

至於女子組方面,女子公開組準決賽有公民對傑志A、香港樂天足球會對HAPPY VALLEY;女子16歲以下冠軍將由公民與車路士足球學校A爭奪。激戰連場,球迷萬勿錯過!

圖/文:袁志浩、陳焌鏗