「歐冲」首騷！！夢想FC迎香港飛馬

梁志榮：唔會改變踢法

夢想FC主教練梁志榮強調，面對聯賽「2哥」香港飛馬亦不會在踢法上有太大改變，希望一眾球員能夠減少犯錯次數︰「首循環對飛馬因為門將謝家榮有兩個犯錯致輸1比3，但我哋有攻勢有機會入波嘅，年輕球員犯錯機會較多，呢個係必然，但唔可以持續犯錯。」新加盟的歐陽耀冲日前已完成註冊手續，今仗有望首次代表球隊上陣，不過出場時間則視乎其比賽狀態而定。

由於和富大埔上周不敵傑志，次席香港飛馬再於聯賽領先「綠戰士」3分，今仗面對尚未脫離低潮期的夢想FC，可謂不容有失。主教練楊正光認為，球員在心態方面需要調整︰「球隊要贏波喺聯賽畀傑志壓力，亦都希望可以拋離大埔。上場對理文對手踢得唔錯，尤其反擊方面令我哋後防應付得幾辛苦，球員喺心理上未能拋得開，假若能做到呢點，就可以展現真正實力出嚟。」對於一對中堅羅斯傷愈復出及基藍馬加盟，「光Sir」表示喜見球隊人腳更見完整，但同時亦強調需要從訓練及會議等途徑，讓一眾守將建立默契。