剛協助澳職球會布里斯班獅吼奪得女子聯賽冠軍的港將張煒琪，完季後已返回香港，並於上周四參與女足操練。今周有望跟球會洽談續約的她，坦言在澳洲落班時得到啟發。
張煒琪說︰「最難忘係球隊令我對足球有另一種睇法，我哋香港球員好攰嘅時候，唔識撐落去，佢哋無論幾攰都唔想失每一球波，想去贏每一球同每一次對抗，我覺得呢樣對我有好大啟發。好多時，我哋講就好容易做就難，當你睇其他人做嘅時候，就會問點解人哋踢得咁好，可能原因就係人哋有團火。球隊隔咗好耐先贏冠軍，以我所知，踢完第一場後，有對手話我哋唔強，好開心球隊最後證明到實力，話畀人聽我哋係得嘅，所以奪冠嗰一刻好激動。」