咖喱仔變爆谷友睇騷大帝贏波擸埋MVP

勒邦隊148:145居里隊
表現投入嘅勒邦占士3度當選明星賽MVP。

今屆全明星賽打破往年的傳統，引入隊長自選組隊，拉近兩岸球星實力差距，由東岸票王勒邦占士及西岸票王史堤芬居里分別領軍，由NBA最強對決當然吸引各界名人入場觀戰，大會更在比賽前安排勁騷為球迷熱身，未開賽已經High爆。

韋斯布克籃底得分奠勝

場外興奮，場內打得火熱；勒邦隊與居里隊均擺出全攻姿態，「大帝」勒邦占士又攻又守，更與隊友狂射三分球，半場領先78比76回更衣室，但進入第3節居里隊發力，更在此節以34比33追近，並把比分反超112比109，相當精彩。

不過，「大帝」拍住勇士王牌杜蘭特及「粗眉哥」安東尼戴維斯愈打愈起勁，第4節中段「大帝」策動全面反擊，在完場前射入關鍵三分球，追至144平手，最後幾十秒雙方仍在拉鋸，韋斯布克在籃底接應占士的傳球射入，以148比145再反超前至完場，令居里隊無力反抗！

占士（上）壓過「招積友」艾賓特，飛身上籃。

「字母哥」安迪杜甘普（右）同甘巴獲加埋身肉搏。

最終占士全場17投12中，射入29分10籃板8助攻，繼06及08年後再度成為MVP，而杜蘭特亦貢獻了19分、6個籃板及5次助攻，「粗眉哥」都有12分進帳；反觀史堤芬居里表現一般，全場14投4中僅得11分，冇料到惟有坐喺後備席食爆谷。