肥宏報到為南華打硬仗
南華近日接連殺入工商盃和籃總盃決賽，然而在兩項賽事的4強未能發揮最強水準，不過南華傳來令人振奮的消息，效力韓職球隊全州宙斯盾的周健宏昨日返港助拳，勢將進一步鞏固「紅軍」內線。
昨午抵港即刻操波
已經3年沒有穿上南華的球衣，周健宏笑言：「國家終於有任務畀我喇！」受領隊洪游奕的邀請，亦適逢KBL球隊因備戰世界盃外圍賽，「肥宏」昨日由南韓返港，準備周五起「3日3戰」，助南華在工商盃和籃總盃決賽作內線支援。再次與舊隊友同隊打拼，「肥宏」坦言回家感覺真好：「當然好開心，有唔少隊友包括羅意庭同林凱光等都由細玩到大，希望可以同佢哋再攞冠軍。始終南華有好多出色進攻球員，但比較少我呢類工兵，希望我可以展示南韓所學技術，幫到南華捧盃。」
昨日中午落機，晚上立即前往修頓場館與南華練波。雖然賽前只能與球隊作兩課練習，但相信這位X-Factor一定能為南華鞏固防線，衝擊冠軍。