東網2:30pm直播傑志鬥標準流浪 科蘭擔正搶士哥
「中銀人壽香港超級聯賽」今午同時上演兩場賽事，其中近況大勇的傑志於旺角場迎戰標準流浪。「藍鳥」主教練朱志光透露，為使陣中烏拉圭球星科蘭盡快「谷起」，不排除今仗安排他踢足全場爭取士哥，想見證科蘭在香港首個入球，就記得跟實東網直播！（東網on.cc周日下午2時30分直播）
朱Sir︰不排除踢足全場
上周以8比1大勝東方龍獅的傑志，該仗科蘭正選登場，更交出1記助攻表現不俗，故傑志主帥朱志光打算今午會繼續重用科蘭打正選︰「希望藉着嚟緊呢幾場比賽，催谷科蘭嘅狀態，所以對流浪一定會畀佢踢，更可能會踢足！」「朱Sir」還指科蘭適應力很強，相信可在出戰亞冠盃前重拾十足比賽狀態。
日前北上昆明試腳的標準流浪前鋒卓耀國昨晚已返港，但能否上陣就要視乎他的狀況，而新兵連拿度及陳湛羲則未「操弗」。球隊行政總裁李輝立表示，隨着莫斯奧及連拿度等外援加盟，流浪的增兵計劃亦告一段落，下半季傾向給予隊中年輕球員上陣機會。