費達拿贏波講冧莊：年紀大喇

寶娃寶釵闖次圈

比迪尼雖然打出不少靚波，但費達拿贏在穩定。美國一代名將麥根萊賽後訪問費天王，問他怎樣才可以36歲仍有如此表現，費達拿開玩笑回應：「因為我放咗好多假？」講到冧莊機會時，他表示現階段未有想太多：「我希望打得好啦，我唔知今次可以去到幾遠。今年又老咗一歲，拿度狀態又大勇。上年已經算係我整個生涯最滿意嘅一年。」至於塞爾維亞的祖高域及費天王同胞華連加，分別擊敗美國球手楊格及立陶宛的比蘭基斯，齊齊殺入次圈。

女單方面，俄羅斯女將舒拉寶娃首圈以6比1、6比4輕取德國的泰贊拿瑪莉亞；加拿大美女球手寶釵同樣以盤數2比0擊敗法國的杜丁，不過因為失誤太多第2盤要打到搶7才分出勝負。