談到「約定」和「承諾」，相信第一時間都會聯想到男女之情，其實在教練與球員之間亦不鮮見。「啟智」在小學六年級便開始跟隨教練「大頭文」馮凱文，之後中一到中六，以及投身職業足球，這對師徒便一直同隊。
「『啟智』六年班就跟我踢，佢係乖仔，場內紀律性高兼很有天分，應承我會畀心機踢。佢自細有點牛脾氣，但好聽我話，乜都會跟我講，我承認我幾錫佢，但呢兩年簽佢唔係因為關照佢，而係佢真係有能力，可惜佢暫時運氣麻麻，希望遲啲會轉運啦！」
「馮Sir」透露多年前，「啟智」的家人曾向其表示：「我哋將『啟智』交畀你喇！」「當日我答咗『無問題』，就會依承諾照顧同引導『啟智』，但最終成唔成功都要睇佢自己，邊讀邊踢嘅決心要好大，我深信佢最終可以成功。」「大頭文」道。