前梅州客家助教兼翻譯楊正光，對於徐宏傑北上加盟該中甲球隊，表示替「好乖仔」的「傑仔」高興，並作出溫馨提示。
曾離港在梅州客家工作一季多的「光Sir」，指出該中甲球隊十分適合香港球員：「梅州客家隊內氣氛好和諧，大部分係南方球員，都係講廣東話，溝通已經唔係問題，就算嚟自北方嘅球員，總經理曹陽都係搵啲好純、好乖嘅，應該講佢唔會搵啲曳仔，當年『志豪』（即李志豪）同我已經係最曳喇，哈！哈！相信『傑仔』同啲隊友會好夾得嚟。」但「光Sir」亦有擔心的地方：「晨操晚練或比賽嘅日子會好充實，但喺上邊生活，總會有啲日子要自己面對，會覺得好悶，頂唔順會『思鄉病』發作。點都好，祝『傑仔』喺梅州客家可以成功！」
至於李志豪就畀料，認為最難適應是天氣：「因為早晚溫差好大，其次就係伙食……因為地方偏遠，一定冇香港咁多好嘢食喇！」「虎哥」又謂習慣中甲的「快上快落」節奏，對「傑仔」的發展很有幫助：「當然，佢要改善頭槌同埋控波方面，因為訓練強度都幾大，所以記得有足夠休息。」