居里45分勇士炸沉快艇

「咖哩仔」今場超進取，30分鐘內21射11中，其中8次外圍得手，仲有6個籃板。快艇無法阻擋居里的攻勢，更送他上罰球線達16次，結果這位兩屆常規賽MVP「好唔小心咁」射失1球。

快艇輸波之餘，更有格芬遭麥基肘擊中，雖然似乎傷勢不算嚴重，但為安全起見此子都要提早退下火線。雙方第2節一度打成50分平手，然而及後快艇遭勇士以一段23比9攻勢放甩，最後以16分差距慘敗。

「咖哩仔」直言唔慣日戰

值得一提的是，今仗定於美國時間中午上演，居里直言不太習慣，所以選擇一開波就去到盡：「中午開波真係有啲怪，一定要盡快搵到平時（夜晚）比賽嗰種節奏。」