復仇戰挫漢華 張振興贏番自信
「NIKE全港學界精英籃球比賽」男、女子組第2階段分組賽昨日於林士德體育館展開，焦點落在男子組兩場大戰身上，先有張振興伉儷書院擊敗漢華中學，報卻港島區D1一敗之仇外，球員更「贏番自己」；而英華教練朱耀明就贏出「南華打吡」，輕勝由「徒弟」連浩駿、梁兆華及陳翊麟領軍的林大輝中學。
「冤家」張振興及漢華不足一個月前才於港島區D1決賽交手，當時張振興僅以1分落敗，今仗球員矢志復仇，腰傷未愈的隊長林文政更食止痛藥頂硬上。首節初段張振興即在梁智康帶領下打出一波8比0攻勢。不過漢華在教練翁金驊「魔鬼式」指導下靠邱家樂逐步逼近，第2節更由丁旨鋒射入一球3分，追至只落後16比17。兩軍戰至最後兩分鐘仍只是4分上落，漢華採取犯規戰術，但張振興球員罰球命中率高，結果張振興以40比33擊敗漢華，報回港島區D1一敗之仇。賽後教練馮逸朗認為球隊「贏番自己」：「球員之前缺乏信心打唔出士氣，今場係機會衝破樽頸位，強者就係要邊度跌低邊度起番身，所以贏波係一支好大嘅強心針！」
「南華打吡」朱Sir領軍贏徒弟
至於另一場「南華打吡」，由朱耀明帶領的英華首節靠快攻輕鬆打出一波12比0攻勢，然而外圍一度啞火的林大輝次節重拾手感，陳仲顯及張峰碩先後轟入3分球，追近至14比20。最後一節兩軍教練都顯得相當肉緊，不時指手劃腳提點球員，不過林大輝無法阻擋英華主力俞資俊攻入全場最高16分，加上蕭瑋耀取得11分及12個籃板「雙雙」數據，最終英華以46比37勝出。
賽後教練朱耀明大讚一眾「南華徒弟」領軍出色：「佢哋做得好好，只係欠少少運。佢哋喺甲一組同香港隊咁耐，可以將唔同經驗帶畀學生，對成個籃球界都係好事。」