NBA巨星高比拜仁退役1年半後，湖人昨在賽事前破天荒將其8號及24號球衣同時退役。「聯盟教父」高比坐直升機重返湖人主場，除大批名宿畀面到賀，網上仲出現留言致敬熱潮。
39歲的高比帶埋老婆同3個囡囡出席球衣退役儀式，佢用英語、意大利語同西班牙語3種語言回答記者問題，自爆每日5點起身練習，然後帶囡囡返學。當被問到8號同24號當中，邊個冧巴最代表到自己，高比咁答：「我揀24號，因為24號係我職業生涯後半段，經歷過好多掙扎同考驗。」
大批殿堂級球星畀面撐場，現時聯盟最頂級球星包括勒邦占士、史堤芬居里同杜蘭特亦有在社交網站留言向高比致敬。
