48路大軍熱血火併

男拔靠Team Work打造4冠王朝

「上屆以兩分飲恨，畫面好深刻，輸自己好可惜。」去屆失落精英賽冠軍，男拔主將葉耀邦對此記憶猶新，就讀中六的他今年將最後一次出戰學界最高榮譽舞台，要用錦標去為學界生涯劃上完美句號：「唔想畀自己留有遺憾，要發揮出最好表現，我有信心可以衝擊冠軍。」同樣是最後一年參加精英賽的梁嘉顯，於中三才轉校到男拔，今屆更被委任為隊長，他認為團結是球隊奪冠關鍵：「由細到大打波，都冇諗過喺一間咁強嘅學校做領導角色，有啲難以置信。今屆球隊最大改變係團隊合作多咗，整體防守亦有改善，打陣地、快攻等都比往年順暢。希望可以做好轉守為攻，為陣中好幾位中六嘅主力攞到好成績，再做一次『學界4冠王』！」

最強對手裘錦秋

由於衞冕的英華今屆有多位主力離隊，在九龍區D1只以季軍席位奪得精英賽入場券，因此男拔已視裘錦秋中學（葵涌）為奪冠最大阻力，現時與曾湛元及楊嘉駿兩位裘錦秋主將齊齊效力甲一球隊南青的葉耀邦指出：「裘錦秋球員呢一兩季都夾慣夾熟，加上我同曾湛元、楊嘉駿一個星期練好多次波，差唔多日日見，大家進步好快，所以佢哋比較有威脅，不過我哋都已經熟晒路。」男拔今日將於首階段分組賽迎戰基督教香港信義會心誠中學，至於另外兩支對手西島中學及中華基督教青年會中學，均有高大中鋒坐鎮，葉耀邦坦言十分期待內線對決。

漢華 何國良	裘錦秋 曾湛元	漢華 羅家誼

此外，由翁金驊帶領的漢華中學今屆於港島區亦打出驚喜，先勇挫中華基督教會桂華山中學，打破對手10連霸美夢，再險勝張振興伉儷書院封王。時隔兩年重返精英賽，翁Sir期望球員繼續挑戰強敵：「依家學界競爭大咗，男拔實力稍為突出，攞到港島區冠軍為漢華爭一口氣，希望球員帶住自信同拼勁，喺精英賽打出應有水準。」

協恩 徐穎榆

福建 郭欣宜

漢華彈起挑戰協恩霸權

「神之隊」協恩中學今年力爭精英賽6連霸，鎖定漢華中學作為衞冕最大對手！說到女子組近年王者，就不得不提協恩中學，自2013－14年度開始，協恩已經連續5年在精英賽脫穎而出，登上冠軍寶座。

協恩中學今年在九龍區D1決賽又表現出「神之隊」本色，大炒寶覺中學奪冠，陣中大師姐徐穎榆（Fish）表示，對爭取6連霸有一定信心：「首階段希望增加B、C Grade隊員落場時間，給她們吸收場上經驗，要開始着手為來年鋪路。」雖然是學界的長勝軍，但協恩中學眾隊員從不自滿，Fish坦言漢華中學為最強對手：「漢華近年打法改變不少，整體防守有很大進步，所以我們一定要做得更好，努力備戰。」首階段協恩身處上線A組，同組亦未見勁敵，相信可以輕鬆闖關。

女子組首階段論精彩程度，一定放眼下線的D組和F組，D組有兩支實力相若的浸信會永隆中學和寶覺中學硬撼，而F組則有今年港島區D1冠軍漢華中學迎戰福建中學，兩場精彩對決令人期待。

羅家誼歸隊添信心

漢華中學今年在港島D1擊敗英華女學校奪冠，當中隊長羅家誼在賽前因腦震盪不適仍堅持上陣，熱血感染人心，主教練翁金驊亦十分讚賞球員：「一班小朋友苦戰後贏冠軍信心多了，以後在場上會更加認同自己，是一件好事。」談到被大熱門協恩視為最大對手，翁Sir搞笑表示：「這麼看得起我們？不過我們還是先做好自己，始終兵源不及對手充足，會用平常心一場一場打上去。羅家誼已經傷愈歸隊，對球隊來說注入強心針，希望球員可以繼續突破自己。」