保齡球隊榮歸麥卓賢回味：匪夷所思
日前於世界保齡球錦標賽擸走1金1銀1銅的香港保齡球代表隊，昨早由美國凱旋返港，當中歷史性奪得男子組三人賽金牌的胡兆康、麥卓賢及曾德軒成為焦點，新一代「保齡神童」麥卓賢以匪夷所思形容驚喜的結果，更指自己每一球、每一分都難以忘懷。
世界賽高手林立，能夠為港隊創造歷史拿下金牌，就連去年曾在世界單打賽摘銅的麥卓賢亦坦言匪夷所思，他透露自己在機上已不時回味比賽片段：「最緊張就係爭入4強時要等對手成績，餐飯食都唔敢食，忐忑不安又出手汗，嗰3個鐘係我人生中食最耐嘅一餐飯！決賽每球都好難忘，每個動作都記得，每分都好用力去打，將內心所有壓力都嗌晒出嚟。」「老大哥」胡兆康亦認為這一仗日後「有排講」，不過最開心是見證團隊成長：「冠軍得來不易，見到佢哋有自己打法，比賽會一齊溝通、支持，可以一齊贏真係超正，今年係大豐收。」他又稱今次證明香港運動員有實力成為世界冠軍，並希望更多市民接觸保齡球。
劉冠濠開心到似上太空
這次比賽最「威水」可說是曾德軒，他分別於三人及雙人賽奪得1金1銀，剛過去的周二度過30歲生日的他坦言「30年嚟禮物一次過袋晒」，未來目標是要於亞運衝金。至於拍檔劉冠濠在機場就再次哭起來，透露自己「開心到好似上咗太空咁，個心唔知飛咗去邊」。