德港混血兒難忘世盃持旗

韋健豪雖是德港混血兒，但唯一前往德國的一次，竟是2006年於香港贏得選拔賽後，獲得在德國世界盃擔任持旗手的機會︰「當時好似讀緊小六，我嗰陣唔係好認識德國，不過始終第一次踏足自己家鄉，都開心嘅。我好記得嗰場係8強嚟，德國對阿根廷，一路綵排都冇事，但正式揸住支旗出去時就好緊張，因為成個柏林球場坐滿晒人，球迷打氣聲好誇張，自己好驚有乜甩漏，好彩最後都冇事。」