占士開統治Mode騎士獵灰熊

其實騎士半場領先14分，但由於第4節一度被灰熊追近分數，結果要勒邦占士開動統治模式，全場取得34分、2個籃板同12次助攻，包括第4節攻入13分，連續殺入籃底博到犯規或者直接得分去致勝。路夫此戰亦有20分、11個籃板同2次助攻，都係贏波功臣。

與此同時，據悉湯馬士已經恢復投籃訓練，即使佢暫時未能進行對抗性練習，但相信亦好快可傷愈復出，重返球場。另邊廂嘅馬克加素，就有27分、6個籃板同4次助攻，職業生涯得分累計突破1萬大關，可惜阻止唔到灰熊11連敗。

布克38分仍負塞爾特人

同日賽事，太陽作客以111:116不敵塞爾特人，布克取得全場最高嘅38分，兼且有4個籃板同5次助攻，可惜獨力難支，最後太陽都要遭遇2連敗，因為艾榮有19分同5次助攻，同時有5個隊友得分達到雙位數字，造就塞爾特人取得2連勝。