謝鄧配8強「衝」擊中國組合
日前於混雙首圈爆冷淘汰港隊「周李配」的南韓拍檔金元昊/申昇瓚，進身16強再遇上香港「左手拍擋」謝影雪/鄧俊文就行人止步。開賽初段雙方雖各有失誤，比分咬住上，但「謝鄧配」中後段開始上力，結果先贏一局21比13。這對港隊混雙唯一希望今仗防守出色，尤以謝影雪於網前攔下不少來球，最終次局再以21比13取勝，不足半小時就為隊友周凱華及李晉熙組合復仇兼殺入8強。
1個月5賽「有辣有唔辣」
謝鄧配1個月內已出戰第5項賽事，謝影雪更在其中4站身兼女雙及混雙兩個項目，難怪她賽後表情呆滯：「每日都用好多力，比賽期間好難恢復得好似之前咁，身體一直都未調整到。」不過連續比賽亦為兩人提升信心： 「前幾站賽事都有面對強手，亦發揮都幾好，覺得自己穩定咗。」
二人晉級後今日會硬撼4號種子、中國拍檔王懿律/黃東萍，不過似乎兩人心情輕鬆，謝影雪更搞笑地再引用前港隊總教練陳智才的「輕裝上陣、創造奇迹」金句，在旁的鄧俊文忍不住笑起來，謝影雪即扮作「揸咪」訪問拍檔心情，鄧俊文亦認真回答：「我哋之前未交手過，人哋排名亦比我哋高，會平常心面對，都係用一個『衝』嘅心態，希望盡快投入比賽。」