伍家朗出局︰我未夠老練

今屆賽事港隊於男單有3位球手殺入次圈，昨日眾人分途出擊，「香港一哥」伍家朗率先登場，與林丹繼兩年前再上演矚目大戰。這場賽事吸引不少球迷放工即趕入場觀看，獲主場優勢的伍家朗開局順利，與林丹多次精彩放網、以及不時做出假動作都看得球迷「嘩嘩聲」。首局家朗以21比17先下一城，第二局再施展強勁扣殺，開局已拉開6比2，但「超級丹」經調整後即反超17比12，即使家朗試圖反撲，但仍以18比21被扳平局數。

決勝局場內氣氛更高漲，雙方「粉絲」開始「鬥嗌」，家朗一度救起險球後進攻得分，11比8進入小休，可惜最多領先16比11的他，最後仍被林丹追至18平手，最終力戰至「刁時」輸20比22，未能於主場再做「林丹殺手」。

伍家朗（左）坦言同林丹激戰後「學到嘢」。	林丹愈打愈有，終以局數2比1反勝。	李宗偉

衞冕失敗仍打得「好爽」

賽後家朗指今仗每一分都攞得辛苦：「最後幾分唔夠佢果斷，仲畀佢捉到我唔敢打高波嘅心理。同兩年前唔同，今次感覺到佢有戰意好多，而自己亦好想用100%實力同佢打，我覺得自己同佢有得打。」雖然未能於主場衞冕男單，但現時世界排名第9的家朗亦有得着，感受到自己與34歲之齡仍高踞第5位的林丹還有差距：「失望在所難免，但呢場波我打得好爽，仲學到點處理關鍵分。我比起林丹仲未夠老練，要到佢個Level，或者仲有兩、三年時間，同埋睇吓自己嘅造化。」自言今季狀態起伏不定的家朗，接下來有望再參加年終賽，他希望突破去年小組出局的成績。 至於林丹就認為家朗的排名不斷往前，會令他愈打愈有信心。

魏楠不敵「拿督」 港隊男單盡墨

至於另外兩位港將亦無法突破次圈，黃永棋以19比21、21比16及19比21不敵6號種子中國的石宇奇，全場佔優的他坦言失落；而老將魏楠就大戰「拿督」李宗偉，表現亦不失禮，最終打足三局以23比21、11比21及12比21落敗。林丹今日與隊友石宇奇內訌；而李宗偉則會火併南韓孫完虎。

昨日焦點賽果

金元昊/申昇瓚(南韓) 0:2 鄧俊文/謝影雪 (香港)

(3)成池鉉 (南韓) 2:0 葉姵延 (香港)

伍家朗 (香港) 1:2 (3)林丹 (中國)

黃永棋 (香港) 1:2 (6)石宇奇 (中國)

魏楠 (香港) 1:2 (8)李宗偉 (馬來西亞)