歐陽若曦隊友雲科爾要名正言順贏番次！
澳門格蘭披治大賽車將於周四起（16至19日）舉行，香港Craft-Bamboo Racing賽車隊今年除派出本地車手歐陽若曦外，更獲星級車手、上屆澳門格蘭披治大賽世界GT盃冠軍雲科爾加盟，兩人將以隊友身份同場較勁。昨日雲科爾來到圓方商場出席活動，更即場試玩澳門賽道模擬賽車，作最後「熱身」。
比利時車神唔怕雨戰
去年代表奧迪車隊的雲科爾，經歷大炒車後奇迹奪冠（只計炒車前的最後排名），這位比利時車手直言雖然贏了冠軍，但心情仍有點怪，豪言「要名正言順贏番次」！今次雲科爾將駕駛保時捷911紅藍戰車，車身以電鍍賽車塗裝亮相，並印上潮流牛仔品牌的招牌手繪海鷗Logo，連雲科爾都話戰車「又型又醒神，希望為自己帶來好運」！天氣報告指，未來幾天可能有雨，但雲科爾就話「最鍾意落雨」：「比利時成日落雨，對我嚟講完全唔係問題！」以往在香港只作幾小時短暫停留的雲科爾表示，難得來到香港，希望有機會周圍逛逛。