少年得志恩師告誡咪語無倫次

「3年後同葉鴻輝有得爭」

現為夢想FC守門員教練的鄭皓文，曾為香港培育不少出色門將。對於謝家榮入選港隊，鄭Sir坦言要小心處理：「佢能夠入選當然高興，因為係對佢努力嘅一種肯定，不過『家榮』始終仲係細路仔，我會不斷警惕佢，唔好畀入選沖昏頭腦，亦唔可以畀佢覺得一切都係輕易得到。『家榮』守龍門好有天分，只要再加強後場指揮同埋用腳控波能力，相信可以喺3年後畀到壓力葉鴻輝，挑戰一號港隊門將席位！」

另一位恩師，就是謝家榮中一開始相識的老師梁啟聰。已跟「家榮」亦師亦友的梁Sir表示：「『家榮』係一個好有決心嘅人，好細個時已顯示出足球天分！不過，佢凡事都好投入，如果能夠學識控制情緒改善EQ，受壓力時處理得好啲，將來前途無可限量！」