提早兩站搞掂！咸美頓4度登基
「黑帝」咸美頓於F1墨西哥站雖得第9名，但已累積333分提前兩站奪得總冠軍，繼2008、2014及2015年後，個人第4度登基。
維度爾輸得心服
咸美頓周日在墨西哥站正賽，首圈因為想爬頭，導致同維度爾戰車發生碰撞爆胎，被迫入修理站，最終他以第9名過終點，維度爾就戰車鼻翼受損需要更換下，無法收復失地得第4名，總積分落後56分，目送咸美頓提前兩站奪得總冠軍銜頭。
賽後維度爾承認，咸美頓今季表現的確較佳，值得擁有總冠軍，不過咸美頓自言，4冠在手感覺唔多真實：「我在比賽中盡晒努力，我唔知道3號彎發生咩事，但我肯定，自己有畀足夠空間維度爾，而且我喺全場落後40多秒下，已經盡晒力去提高名次。」
