終極目標球會產業化
別看王威信平日西裝筆挺、官仔骨骨，原來Wilson是個運動健將，年輕時兩度在元朗大球場捧走學界足球賽冠軍，更曾入選香港U19青年軍，與范俊業、陳志康、楊熙智等並肩作戰，故此王威信一直對「元朗足球」有着深厚情意結！
用足球維持家庭和睦
9年前因緣際會，加入了元朗足球會，帶領這支地區球隊由丙組殺上港超，再成為繼旺角場外入座率最「旺場」球隊，一切都令王威信引以為傲：「依家入場有好多都係一家大細，呢個亦係我喺元朗推動『種子計劃』嘅目標！需知道社會團結由家庭和睦開始，一家人因足球有着共同話題齊齊入場睇波，係好令人鼓舞嘅事！」
談及陽光元朗這類地區球隊的發展，王威信認為要產業化：「依家嘅球會只係流於派隊打比賽性質，但其實真正嘅球會係要有會址、訓練基地、社區網絡等等，就好似外國球會咁扎根社區，先可以成為當地特色，再發展成為一項產業，真正咁靠『足球』養活球員，呢條先係正確道路。」