「新和仔」同阿女鬥長頭髮
趙俊傑一頭長髮已成其Icon，初出道時有「港版田中鬥莉王」稱號！問到會否仿效另一「長髮Icon」李健和，退役時即剪短頭髮，「阿傑」即耍手擰頭：「我好『信邪』！有次一剪短頭髮就斷十字韌帶，同埋諸事都唔順，所以會保持呢個長髮Look！仲記得我同『阿姜』拍咗好耐拖，佢先肯帶我見佢阿爸阿媽，原來佢一直驚我嘅長頭髮嚇親老人家！」
現時一家四口中，以「阿傑」頭髮最長，「阿姜」就爆了丈夫一個情意結小秘密：「佢除咗自己鍾意留長髮外，亦都好鍾意女仔留長髮！可惜我因為要湊仔，太熱唔方便留長，所以就寄情落個女度，希望個女留長髮，甚至同佢鬥長添！」