「唐文」兒子「信信」年紀輕輕，不過已相當有性格，講起這位「性格巨星」的趣事，「唐文」更加哭笑不得：「佢第一日返幼稚園，講完Bye Bye就行入課室，完全冇唔捨得我；嚟球場睇我踢波就全程黑面，但又坐足睇晒90分鐘，完場問佢想唔想一齊影相，佢又唔講嘢，不過臨瞓前佢就講番感受，我做過咩佢都記得，真係好搞笑。」
受訪當日「信信」在大坑東遊樂場玩得樂此不疲，一個足球已令他跑不停，精力充沛讓爸爸都有投訴：「唔知點解佢唔係好鍾意瞓覺，6點幾起身都可以玩到夜晚10點，我未見過佢自己行上床瞓覺。」最後「信信」難得開金口：「我以後都想嚟呢度同爸爸踢波。」相信「唐文」有多辛苦，聽見都「冧爆」啦！