冠忠南區贏波答謝fans

蘇沙用個頭梅開二度

昨午氣溫高達32度，兩軍在酷熱天氣警告下作賽，仍有379名球迷入場支持。南區有上場停賽的史必復出，至於R&F富力主力伊達則在賽前熱身時受傷，未能披甲。南區上半場取得較多攻勢，戰至20分鐘蘇沙接應陸志豪的角球頂入，為南區打開紀錄。這位巴西外援於32分鐘門前再度銅頭破網，個人梅開二度，落後的富力更有中堅侯俊傑侵犯馬高斯領紅被逐，半場南區領先2比0。

打少個的R&F富力換邊後積極反撲，後備入替的李銳兩次攻門，均未能考驗南區門將謝德謙。其後富力換入基奧雲尼加強攻力，至補時階段終憑李銳破蛋，但1分鐘後馬高斯入波「埋齋」，最終南區以3比1擊敗富力。

賽後南區教練鄭兆聰大讚球員鬥志：「呢種天氣要踢咁激烈嘅賽事唔易，球隊發揮好好，有兩球優勢後更踢得聰明。球迷呢兩場日曬雨淋都入場，今場勝仗用嚟多謝佢哋支持，我哋會繼續踢好每場波！」