細威囡囡一出世就有「貫」
前世界女網「一姐」S威廉絲今年贏完澳網之後，因為要做媽媽生B而暫別球壇。日前「細威」首次將同寶貝女阿歷絲嘅合照放上社交網，跟球迷分享初為人母嘅喜悅。
「小細威」其實喺9月1日出世，重6磅14安士，至於佢個名就同爸爸一樣，叫做Alexis Olympia Ohanian，淨係多咗個Junior。「細威」仲話囡囡出生後，佢哋經歷過一段艱難時刻，要留院6、7日先可以離開，不過佢就話一切都係值得。同時，「細威」仲share埋佢湊女嘅短片，而片尾嘅小檔案，除咗有B女個名、生日同體重，仲話「小細威」已經有一座大滿貫獎盃！原來「細威」今年贏得澳網冠軍時已有身孕，所以就將呢項大滿貫錦標送畀阿囡，真係世上只有媽媽好呀！
絲蒂芬絲勢奪最佳復出獎
另外，美國網球手絲蒂芬絲贏得美網女單冠軍後，排名34天內由第957位飛升到第17位，勁過坐火箭。她經歷腳傷長達10個月後，於今年的溫網復出，雖然首圈出局，但之後的羅傑斯盃、辛辛那提賽都打進4強，美網更勇奪冠軍，令其排名極速十級跳，相信今季的最佳復出獎非她莫屬！