「賽馬會社區盃」將於9月23日假旺角場舉行，由傑志大戰東方龍獅，賽前的慈善賽將有兩「神」相遇，由星級足球評述員黃興桂率領球壇名宿組成的「桂神邀請隊」大戰騎師莫雷拉的「雷神邀請隊」，兩隊昨天合作和聖若瑟書院校隊進行拍跳，以收寓賽於操之效。
「兩神隊」絕對星光熠熠，是日友賽「桂神邀請隊」的鍾楚維、陳發枝、山度士、楊正光等球壇明星，夥拍「雷神」莫雷拉及華籍騎師「一哥」梁家俊等著名騎師，面對一班活力十足的年輕球員，都毫不「輸蝕」，更由23歲南非籍騎師史卓豐先開紀錄。之後聖若瑟追回兩球，比賽尾段由梁倬軒連扭幾個，扭過門將射成2比2完場握手言和。
身為聖若瑟書院教練的「桂神」表示，今場賽事意義重大，除練兵外，賽事亦特別舉行默哀，紀念學校剛去世的湯瑪士修士。「桂神」談到與「雷神」的友情緣於足球：「佢同我係波友，因為我好容易會搵到場地，身為足球大使，聽到雷神想踢波，咪搵埋佢一齊踢。踢咗3年之後，佢嘅表現突飛猛進，踢港甲都得呀。」今場「雷神」狀態大勇，不時於中前場快放，甚有睇頭。
「桂神」表示，領隊余錦基做慈善不遺餘力，十分支持今次賽事，而「雷神隊」所籌得的善款，將捐予醫院裏的弱能兒童：「其實我哋兩隊平時都係一齊踢，每年只會分開一次，就係賽馬會社區盃。今次賽事目標都係做善事，波馬合一！」