茶記伙計變香港之光 張煒琪：踢澳職開心到喊
香港女足頭號前鋒張煒琪6月尾到澳洲試腳後，喜獲澳職女子聯賽球隊布里斯班獅吼簽約一季，成為首位登陸澳職的香港人！這位為了對家庭負責，曾每天凌晨4時起床赴茶餐廳工作的女足前鋒，坦言十分開心，並會珍惜今次難得的機會。
目標盡快入波
身高達1米80的「煒琪」兩年前踢過日乙，昨天她表示從日本回港後更勤力練波，希望再有機會衝出香港，終在中國U19女足教練穿針引線下，到澳洲悉尼及布里斯班幾間球會試腳，最後與布里斯班獅吼簽約一年。「煒琪」表示心情相當興奮：「真係好開心，一收到消息即刻攬住家姐喊！終於夢想成真！」
當談到以往一直支持她的教練時，「煒琪」即時雙眼通紅，更一度哽咽：「Betty（香港女足經理黃若玲）同以前的Miss都教咗我好多嘢，我會用成果回報她們。今次一定會盡全力唔放棄，返到香港希望畀大家睇到一個新嘅自己。」曾做過茶餐廳工作的「煒琪」，一直堅持理想，全因心繫足球，她亦定下目標，希望可以盡快取得入球。
香港女足經理黃若玲亦對「煒琪」充滿信心：「張煒琪除有身高優勢，最大優點係左右腳都了得，當地教練非常欣賞佢。」Betty笑言：「由細睇到佢大，以前擔心佢學壞，依家擔心佢自己一個喺嗰邊。」「煒琪」即將代表香港女子五人足球代表隊出戰亞洲室內運動會，本月29日便會出發到澳洲報到。