港將提升體能最緊要
大家好，好耐冇同大家喺度分享自己嘅事，經過年多喺內地生活，對內地嘅足球有咗一定認識同了解，中甲聯賽同港超聯相比除咗球員嘅體能外，整體技術水平亦較高，所以今次出任香港飛馬嘅主教練，希望可以提升球員嘅個人技術同體能，如無呢兩樣基本嘅要求，就唔好講咩陣式同打法喇，呢方面係依家香港球員最需要改進嘅地方。
技術包括受壓嗰陣傳球同控球嘅能力，當然個人嘅觀察力亦都重要，而體能除咗講喺比賽期間嘅跑動外，身體對抗性亦係家陣香港球員缺乏嘅，所以每次練習呢幾方面都係我哋嘅重點，其他再慢慢建立。
今季除咗希望努力為香港飛馬爭取好成績外，都想提升球員嘅能力，長遠嚟講，係想為香港足球出到力，出得幾多得幾多。
專欄輪住嚟
香港飛馬主教練楊正光