入場睇英超 感受大戰氣氛
「賽馬會青少年足球領袖計劃」的6位優秀學員，聯同「賽馬會四人同進足球賽」的4位優勝者，齊齊欣賞「紅魔鬼」主場迎戰李斯特城的賽事，於坐滿近75,000名球迷的「夢劇院」感受大戰氣氛，絕對是一次難得又難忘的體驗！
難得來到英國曼徹斯特，又怎可以錯過緊張刺激的英超賽事，10位本地青少年精英再次踏足奧脫福，觀看曼聯與李斯特城的大戰，並見證後備入替的拉舒福特及費蘭尼建功，協助主隊全取3分。本身是曼聯球迷的青少年領袖李嘉源（Jason）表示今次體驗相當深刻：「奧脫福全場爆滿，超過7萬人一齊唱歌，震撼得嚟亦好有主場嘅感覺。比賽中途心情高低起伏，好似坐過山車咁，最後可以贏波，真係覺得好興奮！」透過今次經歷，Jason認為英倫足球有香港可以借鏡的地方：「曼聯將比賽搞到好似嘉年華咁，球場外有美食車；開波前會播唔同嘅音樂；入完波會好High咁介紹入球球員，變相令比賽充滿娛樂性，自然吸引更多球迷，相信香港喺呢方面都可以改善。」
欣賞女隊比賽望港女多參與
另一位青少年領袖黎玉瑩，於同日早上亦有觀看曼聯女子隊的賽事，雖然她覺得在場地及規模上，女子足球比男子稍遜，但球員的態度仍值得香港女將學習：「香港女仔可能對足球仲有錯誤觀念，覺得踢波會腳粗，而且驚受傷，所以好快就會放棄，相反英國女仔踢波好投入，唔會就住就住。我覺得香港女仔可以試吓踢波，因為足球係一種國際語言，可以令你識到好多朋友，希望遲啲有更多女仔踢波啦！」
袁志浩曼徹斯特直擊