何倚富轟49分 城大得第5
「JORDAN BRAND INVITATIONAL 2017」大專邀請賽，昨日在旺角麥花臣場館進行名次賽。雖然受到颱風「帕卡」吹襲影響，令中大對職訓局的第7名次賽要順延至8月31日上演，但是日仍有3場賽事舉行，城大在何倚富狂轟49分下，以109比71大勝公開大學，奪得第5名。
頭場「公城戰」初段戰況緊湊，公大的魏詠輝首節攻入6分，帶領球隊以19比17領先首節。不過城大企穩陣腳後取回攻勢，以43比30反先半場，其後陳奕駒11分19籃板和李嘉煒14分11籃板齊齊取得雙雙，加上射手何倚富轟入11球三分，豪取最高的49分，帶領城大以109比71大勝公大，以第5名完成賽事。
雖然今仗城大以大比數贏波，惟教練趙永良仍不太滿意，賽後更訓話足足半小時：「滿意球員喺進攻端嘅表現，但係球隊太遲入局，表現唔夠集中，加上球員喺場上又唔溝通，呢啲地方都需要改善。」至於贏波功臣何倚富就認為自己可做得更好：「暑假有其他事分心，自己唔喺最佳狀態，今場表現一般，只係手風順。」
樹仁大學反勝恒管
緊接出場的樹仁大學半場以32比39落後，不過憑陳雋暉攻入全場最高的37分，最終以83比71反勝恒管，取得球隊於今屆賽事的首場勝仗，亦令他們以第11名完成賽事。