足球領袖自信升呢
「賽馬會青少年足球領袖計劃」的6位優異學員，英國時間周三繼續於曼徹斯特交流，兩位女學員由曼聯首位「執波女」及同齡女將身上取經，腳法口才通通「學到嘢」，要向大家證明女仔唔一定輸蝕！
紅魔執波女一樣有台型
經過兩日的户外活動及參觀，青少年領袖這日「坐定定」，與曼聯基金會「V99」計劃的青少年義工交流，大談兩地文化差異，認識彼此的生活習慣及成長背景。本港學員更嘗試指導對方寫繁體字，青少年義工似乎亦相當有興趣，爭相學習自己的中文譯名，令現場氣氛相當熱鬧。
其中一位女義工Zainab原來是曼聯歷史上首位「執波女」，年僅16歲的她在討論中亦非常搶眼，令年齡相近的女領袖蘇家善（Kaka）亦表示要好好學習：「Zainab好主動而且好關心我哋，就算我有英文唔明，佢都會同我解釋。而且佢發表意見嗰陣好有自信，唔會怕出錯，好肯講嘢，呢樣就係我要改善嘅地方。」
Kaka之後連同另一位女領袖黎玉塋（Jenny），觀看曼聯基金會女子足球隊的友賽，她們面對由全男班組成的球隊亦毫無懼色，令Jenny大感驚訝：「其實我對自己踢波好冇自信，雖然都曾經贏過冠軍，但都覺得自己貢獻唔多，有時仲會否定自己，唔知係咪繼續踢落去。不過今次見到女子隊面對男仔都會衝撞以及踢組織，自己都想學吓佢哋嘅膽識，畀其他人知道女仔比男仔並唔輸蝕！」Jenny已下定決心要積極訓練，改善技術，希望別令鼓勵她的人失望。
袁志浩 曼徹斯特直擊