元朗東方龍獅友賽各1言和

元朗昨日於天業路足球場跟東方龍獅進行友賽，元朗首節賽事由劉浩霖先開紀錄，東方則憑鄭璟昊「執雞」追平，兩隊在之後兩節賽事未能再添入球，最終維持1比1比數完場。

元朗主教練曾昭達賽後表示滿意球員表現：「球員態度同協調上唔錯，上力比想像中快，我哋陣容同上季相若，球員合作冇問題，希望可以踢出士氣波畀球迷睇。」他再次大讚新兵艾華頓：「佢態度好好，融入球隊速度比我預期快！」「達Sir」亦透露，球隊邀得上季於甲組聯賽攻入31球的東昇射手祖連奴試腳。

東方龍獅主教練司徒文俊指賽果在預計中：「始終未係『夫添』，今場只係想球員攞番比賽感覺，當然對手亦踢得好好。我哋呢幾日休息調整完，等班傷兵回歸，希望能以最強陣容去泰國集訓，畀佢哋踢足90分鐘。」