傑志東方龍獅8‧25旺角場交鋒
足總昨日就「中銀人壽香港超級聯賽」2017至2018年度球季，公布新季賽程。賽程當中最令人矚目的，正正就是揭幕大戰，新季將於本月25日（周五）晚上8時展開，更安排上季季尾爭標戰的強勁戲碼，由傑志於旺角大球場迎戰東方龍獅！
對於揭幕戰便上演「傑東大戰」，雙方主帥均異口同聲表示歡迎，亦有信心將會準備就緒踢出好表現。傑志主教練朱志光期望揭幕戰的安排能帶來正面效果：「港超開鑼日就上演去屆冠亞軍對決，可能吸引到多一啲港超觀眾。東方今季加入咗一啲新球員，踢法上或者有少許改變，喺準備比賽上要更花啲心思。」「朱Sir」又指，球隊的備戰工作進度良好：「經過韓國集訓後，球隊依家進行緊第2階段體能同整體戰術嘅提升，亦已準備好3周後嘅首場比賽。」
至於東方主教練司徒文俊亦表示對揭幕戰有信心：「比賽始終都要跟對手碰頭，只要做足準備，球員狀態好的話，我對球隊充滿信心。」
或遇地獄賽程 司徒文俊無奈
東方龍獅與傑志繼揭幕戰對壘後，會於9月23日舉行的社區盃再次碰頭，至於雙方在聯賽次循環對決則於明年1月18日上演，惟東方龍獅之後在1月23日於主場踢亞冠盃外圍賽第二圈，假若出線，在1月27日舉行的高級銀牌賽決賽後，又要在1月30日作客應付第3圈賽事，有機會面臨「地獄賽程」！
司徒文俊坦言對賽程存有疑問：「上季我哋要踢亞冠盃分組賽，季尾安排嘅賽程亦較具競爭性，如聯賽煞科對傑志，其實今季我都期待『東傑大戰』會壓軸對壘，但係唔明白點解今季就冇咁嘅安排。」