季前慣拉隊拜神 祈求佳績

拜得神多自有神庇佑，連鹿島鹿角都係咁諗！每年1月喺日職開季之前，鹿角高層都會率領眾將，去鹿嶋市嘅鹿島神宮參拜，祈求神明保佑，之後高層會向大家訓話。最後各人會喺許願板上寫上願望及簽名，祈求新球季連場報捷。據講鹿島神宮拜嘅主神好特別，係奈良時代保佑每戰必勝的「武甕槌大神」，難怪鹿角每年都嚟參拜喇！