美國傳媒輪流爆大鑊，ＮＢＡ球星艾榮已經主動要求離開騎士，據聞馬刺、熱火、紐約人同木狼都好希望將呢位明星控衞收歸旗下，當中以馬刺最有爭奪總冠軍實力，木狼就有艾榮好想並肩作戰嘅占美畢拿。報道又話，其實「大帝」勒邦占士都諗住離開克里夫蘭，所以懶得插手阻止艾榮離隊，意味騎士陣容正面臨瓦解！