900萬經費！！ 港辦排名賽欠＄
被世界桌總高度評價的香港世界桌球大師賽漸近尾聲，一連3天「爆滿」新伊館，球手及球迷一置好評；香港一哥傅家俊坦言今次賽事足以證明香港絕對具有辦職業賽的條件，而香港桌球總會主席麥耀開亦承認，香港要辦國際大賽萬事俱備，只欠Money。
連日來的賽事均令新伊館近3,000座位爆滿，周日門票更火速售罄，一票難求，即使網上有人開出10幾倍的價錢尋覓決賽貴飛，但仍失望而回。傅家俊賽後重申：「氣氛真係好震撼，全世界都睇到香港人有幾鍾意桌球，呢種氣氛喺世界任何地方都好難搵到，球手同球迷都夢想喺香港有排名賽，希望可以早日夢想成真。」
香港比賽氣氛一流
事實上，除世界桌球總會近日都在官網稱讚香港，麥耀開坦言今次比賽亦獲得各界好評：「我哋當然想舉辦排名賽，相信政府一定支持，但經費始終係最主要問題，若然辦一個32強決賽周賽事，連獎金及營運開資，至少要900萬港元，單靠桌球總會實在獨力難支。」