快上快落冇Hea踢 水晶宮兩蛋贈西布朗

開波初段西布朗控制球場，水晶宮主要靠韋費特沙夏打突擊，「老鷹」首個入球就是由他博得罰球，塞爾維亞中場米利禾積域主射，直飛龍門左上角入網，12分鐘水晶宮先開紀錄。

法蘭迪保亞批評吳超覺

西布朗其後有隊長莊尼伊雲斯受傷，這名前曼聯球員被換出時，遭現場利物浦迷狂噓，臨完場半場前水晶宮法國中場巴卡利沙高離門30多碼左腳狂抽，接連省中西布朗兩名球員改變方向入網，門將賓科士打欲救無從，水晶宮半場領先兩球，兩軍球員返更衣室時有少許推撞，幸雙方控制得住。下半場仍是西布朗取得主導，但始終未能入球，最終水晶宮以2比0贏波，獲得季軍。

雖然水晶宮獲得季軍，但領隊法蘭迪保亞賽後就批評球證吳超覺，並埋怨他縱容對手持續侵犯韋費特沙夏︰「整體上滿意球隊表現，但要宣傳聯賽有幾好，公平競技屬其中一樣事項。對手向韋費特沙夏作出嘅首個攔截便應要出示黃牌，不要因球員初犯就放生，只會縱容其他犯規。」西布朗領隊佩尼斯則透露，傷出嘅莊尼伊雲斯傷勢不算嚴重，「佢只係扭親足踝，但係我唔想冒險俾佢踢落去，此外冇人受傷，我好滿意。」