2000年以來，共有19人首次奪得她們的大滿貫后座，其中有7人是在巴黎實現她們的首冠夢，除今屆的奧絲達賓高外，其餘包括麥古露莎（2016）、李娜（2011）、施姬艾禾妮（2010）、伊雲娜域（2008）、麥絲金娜（2004）以及軒寧（2003）等。
奧絲達賓高創下法網奇迹，一夜間成為網壇新寵兒，不過呢個攻擊凌厲、板板有力嘅新星，私底下始終都只係個20歲美少女，同所有女孩一樣，都鍾意玩社交網。佢依家Instagram有53,900粉絲，入面有好多靚相，盡顯佢可愛教主嘅一面。據外電報道，奧絲BB依家係「A0」，即係未有男朋友，相信嚟緊會有好多Fans，會撲去到佢IG示愛。