告別前提攜徐宏傑 陳偉豪：仲靠我哋就大鑊
港隊隊長陳偉豪闊別接近兩年重返大軍操練，備戰下周三主場友賽約旦的「告別戰」，這位「老大哥」笑言未感離愁別緒，還看好首度入選大港腳的20歲小將徐宏傑有望接班成大器。
港隊昨日復操備戰下周對約旦，以及13日主場對北韓的亞洲盃外圍賽，已有接近2年未嘗入選港隊陣容的35歲後衞陳偉豪，以榮譽球員身份重返大軍，「偉豪」強調感覺依舊親切，操練期間亦盡顯「老大哥」本色提場，惟與他在防線並肩作戰多年的李志豪直言不捨：「我未鬧佢，我都未退佢就嚟退！大家18歲開始由大港腳合作到依家，眨眼間嚟到最後一場，當然唔捨得！」「偉豪」聞言則笑說：「我唔同佢，我係唔入選，佢仲有十幾年呀！不過都係好事，如果香港隊今時今日仲要靠我哋兩個就大鑊！」
笑言好過正版李志豪
受到傷兵困擾，香港隊今次補選不少年輕小將，包括有「新李志豪」之稱的標準灝天守將徐宏傑。首次與後輩過招，「偉豪」讚不絕口：「佢路數幾好，好過李志豪呀！相信只要身體質素再加強，他朝可成大器，至於新陳偉豪就唔好喇，年輕球員應該有自己風格。」
港隊總教練金判坤透露「偉豪」向他表示希望能後備落場，未必會在告別戰正選亮相，至於一眾北漂港將要待本周聯賽後才能歸隊，儘管陣容不整，「Kim Sir」期望港隊盡力而為：「每逢6月的季後國際賽，備戰也十分艱難，北韓雖然已有一段時間未有參與國際賽，但他們一直保持集訓，對他們影響不大，我們能做的就是保持正面心態。」